Алегри: Трампа Ибра-Кака? Тоа е класична шпекулација

Тренерот на Милан, Масимо Алегри вели дека не знае ништо за можната трампа со Реал Мадрид во која ќе бидат инволвирани Кака и Златан Ибрахимовиќ

Каталонскиот El Mundo Deportivo денеска објави дека Жозе Мурињо на лидерите на Реал Мадрид им предложил трампа со Милан во која ќе бидат инволвирани Кака и Златан Ибрахимовиќ. Тренерот на Милан, Масимо Алегри ги опиша ваквите натписи како класични шпекулации и вели дека не знае ништо за можната трампа Кака-Ибра. “Трампа Ибра-Кака? Не знам ништо за ова.” – рече Алегри. “Ова се само класични шпекулации кои се појавуваат на крајот од сезоната.” “Трансфер стратегијата на клубот, во која спаѓаат и преговорите за продолжување на договорите, ќе започне следната недела.”