Милан заинтересиран за Хулк

Генералниот менаџер на Милан, Адријано Галијани призна за интерес за ѕвездата на Порто, Хулк.

Името на напаѓачот се споменува постојано за трансфер во водечките европски клубови, а како најсериозен интерес досега има од англискиот Тотенхем.

„Нашата трансфер кампања ќе започне на 30 Мај, но можам да кажам дека многу ми се допаѓа Хулк.“ - призна Галијани.

„Но, тоа не значи ништо, бидејќи ми се допаѓа и Лионел Меси.“ - рече шефот на „росонерите“.

Хулк е главна фигура во тимот на Порто во оваа сезона, во која „змејовите“ стигнаа до 1/2 финалето на турнирот во Лига Европа и се на прагот од финалето.