Галијани ќе преговара за нови договори

Потпретседателот на Милан, Адријано Галијани изјави дека во најскоро време ќе се состане со сите играчи на клубот, на разговори околу продолжувањето на договорите, како и евентуалната нивна  иднина во тимот на  "росонерите".


"Ќе се состанам со Кларенс Сидорф во следните неколку дена, како и со останатите фудбалери, за да разговараме за обновување на договорите", изјави Галијани.

Шефот на Милан изјави дека овие разговори почнуваат од понеделник: "Мислам дека беше правилно решение дека не разговараме за договорите пред да ја освоиме титулата во Италија."
Меѓу фудбалерите кои можат во текот на летото да ја напуштат тимот како слободни агенти се Алесандро Неста, Андреа Пирло, Флавио Рома, Филипо Инзаги, Кларенс Сидорф, Марк ван Бомел и Масимо Амброзини.