Валдано: Роналдо нема да се пресели во Милан

Генералниот директор на Реал Мадрид, Хорке Валдано вели дека Кристијано Роналдо нема да се пресели во Милан Во последните неколку недели медиумите почнаа да шпекулираат за можната преселба на Кристијано Роналдо во Милан откако сопственикот на Росоњерите, Силвио Берлускони во два наврати призна дека сонува за ангажман на португалскиот интернационалец.
Берлускони најави дека ќе стори се што може за неговиот сон да стане реалност но генералниот директор на Реал Мадрид, Хорке Валдано му порача на Милан да го заборави CR7.

За Sky Sport Italia Валдано рече: “Убаво е да се слушне дека претседател како Берлускони и клуб како Милан сонува за наши фудбалери.”

“Но Кристијано Роналдо ќе остане со нас.”

Валдано исто така потврди дека Жозе Мурињо ќе остане на Сантијаго Бернабеу.

“Мурињо има четиригодишен договор и рече дека сака да остане во Реал. Не гледам причина зошто да не му веруваме.”

“Тој е идеален тренер за Реал Мадрид и го поседува истиот глад, како и клубот, за успех.”